F l-3alam dyal "Architecture l-wa3ra", ay haja khassha t-qsem l-microservices. Kat-dir 50 Lambda, l-data ddyalk ghada f SQS, o kat-decouple kolchi hta kat-wlli khassk 3 dyal l-tools d monitoring ghir bach t-tabe3 request whda fin mchat.

Walakin l-waqi3 li chft f ktr mni 10 snin d l-khdma k-Tech Lead houwa hada: Complexity is a tax. O b3d l-mrat, had l-hloul "l-modern" kiy-kounou ghir tariqa ghalyia bach t-over-engineer mochkil basit.

Microservices d "CV"

Kamlin dznna mnhna. Kat-bghi t-khddem l-ekher f AWS ghir bach t-zowweq l-CV. Kat-ched API b Node.js o kat-qsmha l-10 dyal l-microservices.

Men b3d kiy-bda l-Sda3:

  • Latency: l-services kiy-diw l-weqt f l-hdra binathoum ktr mli kiy-diw f l-logic d l-khdma.
  • Sda3 r-rass: F blast ma t-fixi bug, kat-wlli m-dabl m3a l-IAM roles o l-VPC peering.

L-Tkhwira l-m9awda: B3d l-mrat, ahssen move t-dir houwa t-mseh dik l-microservices o trjje3 kolchi l-process wahed d Node.js nqi. Machi "legacy" hada, hada kiy-tsmmi l-Efficiency.

L-Fakh dyal Lambda

Serverless wa3r... hta kiy-ghder bik. Chft teams bdlow kolchi l-Lambda bach "y-weffrou" l-flouss, o f l-ekher lqaw bli l-API Gateway kiy-tqam ghali ktr m l-compute rasso. Bla ma nhdrou 3la Cold Starts li kiy-khlliw l-frontend f Angular t-qila bhal ila khddam b l-modem d 2005.

Tkhawer dyal AWS men l-waqi3:

  • L-Lambdalith: Dir l-Express API ddyalk kamla f Lambda whda. Cold start wahed, routing f l-code, o hani rassek m l-sda3.
  • S3 k-Database: Ila khassk t-stocki config sghira, bla ma t-provisioni DynamoDB. Loh .json f S3 o fetchih mlli y-demarer l-app. It's $0.
  • Tkhwira d l-Bastion: Khddem t3.nano sghira o SSH tunnel bach t-accéder l-RDS f blast ma t-khls $30 l-ch-hr f Client VPN.

L-Qa3ida d GhiKankhewer: L-Architecture hiya t-3ref chnou t-sacrifiyer. Ila 3ndk 100 users, ma khasskch Kubernetes. Khassk haja li khddama lyoma o ma t-khouwich lik jiybk ghda.